Besimtarët myslimanë për gjatë muajit të Ramazanit bëjnë sakrifica të shumta në mënyrë që në fund të këtij muaji të fitojë shpërblimin nga Zoti.
Por, për të dal triumfues në fund të këtij muaji, shfrytëzimi i kohës sipas hoxhë Sead Paqarizit është një prej kushteve kryesore që besimtarët të dalë fitues në fund të këtij muaji.
Paqarizi në emisionin “Fanari” në Tëvë 1, tha se një agjërues duhet ta shfrytëzojë ç’do moment duke adhuruar Zotin e duke bërë punë të mira.
“Besimtari në këtë rast duhet që gjithsesi t’i kushtojë kujdes shfrytëzimit të kohës në Ramazan, nëse dëshiron që në fund të tij të del fitimtarë dhe triumfues. Shfrytëzimi i çdo momenti, sepse edhe dita edhe nata e Ramazanit janë të bekuara dhe i japin mundësi besimtarit që të përfitojë. Besimtari për të dalë triumfues në fund të këtij muaji të bekuar duhet që të ketë kujdes të veçantë në shfrytëzimin e kohës”, tha Paqarizi.
Ai tha se për rëndësinë e shfrytëzimit të kohës ka folur edhe i dërguari i Zotit, Muhamedi, paqja dhe mëshira e Zotit qoftë mbi të i cili ka thënë se “shumë njerëz dy mirësive nuk ia dinë vlerën, shëndetit dhe kohës së lirë”./teve1.info/
