Në shqyrtimin e pikës së dytë brenda pikës 20, të ndryshme, Ministria e Ekonomisë paraqiti propozim-vendimet për vendosjen e obligimeve të shërbimit publik shtesë, Furnizuesit të Shërbimit Universal (FSHU) në lidhje me zotimin e ndërmarr më parë nga Qeveria për tu subvencionuar tarifat e konsumatorëve.
Me këtë vendim Qeveria obligon FSHU-në të informojë për ndikimin e subvencioneve tek konsumatorët
Këtë propozim e bëri Ministrja e Ekonomisë, Artane Rizvanolli , e cila tha se FSHU-ja obligohet që të përdorë fondet e Qeverisë së Kosovës të dedikuara për llogaritë individuale të konsumatorëve.
“Në bazë të interesit publik dhe interesit të përgjithshëm ekonomik propozojmë që kompanisë që vepron si furnizues i shërbimit publik FSHU t’i vendoset një obligim shtesë i shërbimit publik, përveç të sigurojë energjinë elektrike për furnizimin e konsumatorëve fundorë që gëzojnë të drejtën e shërbimit universal nën kushtet më të favorshme ekonomike, obligohet FSHU-ja që të përdorë fondet e Qeverisë së Kosovës të dedikuara për llogaritë individuale të konsumatorëve fundor që e gëzojnë këtë të drejtë në formë të subvencionit vetëm për dhe në emër të konsumatorëve fundorë që e gëzojnë këtë të drejtë për të zbutur ndikimin e tarifave të energjisë elektrike tek qytetarët”, tha Rizvanolli.
“Me anë të këtij vendimi obligohet FSHU-ja që Ministrisë së Ekonomisë për secilin muaj t’i ofroj informata të detajuara mbi ndikimin e fondeve të Qeverisë tek secili konsumatorë”, tha ajo tutje./Teve1.info/
