Sipas presidencës franceze, kjo bisedë telefonike ka zgjatur një orë e 45 minuta.
Ndërkaq, një zyrtar francez ka thënë se nuk kanë detaje se çfarë është biseduar mes tyre, por që thekson se përshtypja është se “qëllimi i Putinit ishte të merrte të gjithë Ukrainën”.
Macron është një nga disa liderë botërorë që kanë biseduar me Putinin ditët e fundit duke shpresuar të ndërmjetësojnë një armëpushim në Ukrainë.
Më herët të dielën, Putin foli me presidentin turk Recep Tayyip Erdogan, i cili bëri thirrje për një ndërprerje urgjente të armiqësive.
Sipas një leximi të thirrjes nga Kremlini, Putin i tha Erdoganit se negociatorët e Ukrainës duhet të kenë një “qasje më konstruktive” në bisedime, “duke marrë plotësisht parasysh realitetet në zhvillim”.
“U nënvizua se pezullimi i operacionit special është i mundur vetëm nëse Kievi ndalon operacionet ushtarake dhe përmbush kërkesat e njohura ruse”, tha Kremlini. Rusia e ka quajtur pushtimin e saj një “operacion special”./teve1.info/
