Rrusta deklaron se PSD-ja këto ndërhyrje i konsideron me paramendim për të cilat thotë se kanë mundur të shmangen por sipas saj ato janë shndërruar në dhunë.
“Ne mendojmë që ndërhyrjet e tilla të cilat janë të shmangshme po shndërrohen në një dhunë absolute policore nuk munden me qenë pa paramendim, këto vetëm pa paramendim nuk janë. Edhe si u bë që menjëherë pas protestës së veteranëve, po dua të them se është një klimë politike e caktuar ku edhe policët edhe komanduesit po mundem të veprojnë lirshëm dhe në forma brutale. Rrjedhimisht ne e konsiderojmë politike të papranueshme dhe punë për të cilën ne nuk do të rrimë duarkryq natyrisht”, tha ajo.
Tutje Rrusta në Tëvë1 theksoi se këto veprime të policisë nuk do të mbesin pa u ndëshkuar.
Ajo deklaoi se PDD-ja do t’i përdor të gjitha metodat për ndërgjegjësimin e qytetarëve për llojin e pushtetit që është duke sunduar në Kosovë
“Ne ishim në protestë të veteranëve dhe ma e pakta që ka mundur të bëjnë ata është të mos shfaqen aty, ata kanë qenë gjithë kohën në protestë edhe pastaj i kanë arrestuar. Këto veprime të policisë, këto veprime me paramendim nuk munden të mbesin të pandëshkuara, edhe ne natyrisht që do t’i përdorim të gjitha metodat tona si aktivist politik të ndërgjegjësojmë qytetarin për llojin e pushtetit që është duke sunduar sot në Kosovë”, tha Rrusta.
