Sipas Prokurorisë vrasja është e dhunshme dhe dyshohet se ka ardhur si pasojë e disa goditjeve me një mjet të mprehtë.
“Më datë10 janar 2023, një person është gjetur i vrarë brenda Shoqatës së të Shurdhërve në Mitrovicë. Viktima ka qenë anëtar i kësaj shoqate, vrasja është e dhunshme dhe sipas ekspertit mjeko ligjor që ka dalur në vend ngjarje, dyshohet se ka ardhur si pasojë e disa goditjeve me një mjet të mprehtë”, thuhet në komunikatë, raporton teve1.info.
Prokuroria thotë se deri më tani nuk ka të identifikuar si të dyshuar për këtë rast.
“Prokurori kujdestar ka dalë në vendin e ngjarjes, dhe ka urdhëruar që trupi i pajetë i viktimës të dërgohet për autopsi në Institutin e Mjekësisë Ligjore në Prishtinë. Gjer më tani nuk ka të identifikuar persona të dyshuar për këtë rast, por prokurori i shtetit në koordinim me policinë janë duke zhvilluar hetime intensive në mënyrë që të identifikohet kryerësi i veprës penale “Vrasja”, me qëllim të arrestimit dhe vënies para drejtësisë”, thuhet në komunikatë./teve1.info/
https://teve1.info/lajmet/gjendet-i-vdekur-nje-60-vjecar-ne-mitrovice-policia-nis-hetimet/
