E për t’i adresuar vërejtjet, u formua një grup i ri punues.
Anëtari i këtij grupi, Adnan Rrustemi thotë se javën tjetër do të fillojë trajtimi i të gjitha rekomandimeve e më pastaj projektligji synohet t’i dërgohet sërish Venecias.
“Amandamentet gjatë shqyrtimit në mes të dy leximeve të Komisionit për Legjislacion, konsiderojmë që raporti me amendamente është mirë që të shkojë edhe njëherë në Komision të Venecias për t’u parë se a janë adresuar të gjitha rekomandimet e Venecias para se të miratohet në lexim të dytë”, thotë ai.
Kurse, nga shoqëria civile vlerësojnë se një projektligj ka aq shumë vërejtje saqë duhet të diskutohet nëse është i nevojshëm themelimi i byrosë.
“Përderisa është i sponsorizuar nga ana e MD nuk ka më logjikë që një numër kaq i madh i komenteve të adresohen në Kuvend sepse nëse adresohen të gjitha komente i bie që Kuvendi në shqyrtim të parë ka miratuar diçka tjetër e në të dytin krejt diçka tjetër”, thotë Gëzim Shala, hulumtues në Institutin e Kosovës për Drejtësi.
Të premten janë mbajtur dëgjime publike për këtë projektligj anipse opozita i bojkotoi ato.
Konfiskimi civil i pasurisë synohet të zbatohet ndaj pasurisë së fituar në mënyrë të pajustifikueshme nga personat publik që nga 17 shkurti 2008.
Drejtori i kësaj byroje parashihet të zgjidhet nga Kuvendi.
Kronika e realizuar nga Gojart Jashari.
