Në njoftim thuhet se gjatë verifikimit të automjetit ka rezultuar se ka ndërhyrje te numri identifikues i veturës dhe dyshohet se janë bërë ndërhyrje mekanike në numrin e karrocerisë së automjetit, dhe si rrjedhojë vetura dyshohet të jetë e falsifikuar
Teksa bëhet e ditur se drejtuesi i veturës ishte D.K, shtetas i Shqipërisë.
“Policia e Kosovës, konkretisht Stacioni Policor Kufitar – Vërmicë- me datë 10.08.2022 rreth orës 15:00, gjatë kryerjes së detyrave të rregullta në hyrjen nga Shqipëria për në Kosovë ka ndaluar një veturë të tipit Audi A3, me targa të Shqipërisë me drejtues D.K viti i lindjes 1989 shtetas i Shqipërisë. Vetura është përzgjedhur për kontroll në vijën e dytë për kontroll më të detajuar. Policia e Kosovës në bashkëpunim me Policinë e FRONTEX, të cilët janë me mision në PKK Vërmicë, kanë bërë verifikimin më të detajuar të automjetit dhe pas verifikimeve të kryera, ka rezultuar se ka ndërhyrje tek numri identifikues i veturës dhe dyshohet se janë bërë nderhyrje mekanike në numerin e shasisë së automjetit, si rrjedhojë vetura dyshohet të jetë e falsifikuar”, thuhet në njoftim.
Lidhur me rastin është njoftuar prokurori i cili ka udhëzuar që rasti të trajtohet në procedurë të rregullt, ndërsa lënda për hetim i dorëzohet njësitit së autokrimeve për hetime dhe procedim të mëtejmë.