Përmes njoftimit, PK ka bërë të ditur se nga 1 nëntori të gjithë pronarëve të mjeteve që qarkullojnë me targa të tilla do t’iu shqiptohet masa e qortimit, kurse pas 21 nëntorit do të vazhdojnë me gjoba për ta.
“Sipas vendimit zyrtar nga data një (1) nëntor 2022, të gjithë pronarëve të mjeteve që qarkullojnë me targa të tilla ilegale në Kosovë, nga Policia e Kosovës do t’iu shqiptohet masa e qortimit, me kërkesën që të njëjtit të drejtohen në Qendrën e Regjistrimit të Automjeteve për të regjistruar mjetet e tyre me targa RKS. Ndërsa nga data njëzet e një (21) nëntor deri me datë njëzet e një (21) janar, për të gjithë pronarët e mjeteve që qarkullojnë në territorin e Republikës së Kosovës me targa të tilla ilegale, do të shqiptohet gjobë sipas legjislacionit në fuqi”, thuhet në njoftim./teve1.info/
Po ashtu, PK ka publikuar edhe formën se si duket fletëqortimi i tillë për ata që bartin këto targa ilegale./teve1.info/
