Sipas një njoftimi nga Shërbimi Spitalor Klinik Universitar i Kosovës (SHSKUK) gjatë tre muajve të parë të këtij viti janë trajtuar 456 pacientë të shtrirë në klinikën e Neurologjisë dhe janë kryer 3208 vizita ambulatore.
“Për tre muajt e parë të vitit 2022, Klinika e Neurologjisë e Qendrës Klinike Universitare të Kosovës trajtoi 291 raste të sulmit në tru. Në total, klinika për këtë periudhë kohore ka trajtuar 456 pacientë të shtrirë, me 3984 ditë shërimi, po ashtu janë kryer 3208 vizita ambulantore dhe 1403 vizita konsultative emergjente”, thuhet në njoftim, përcjellë teve1.info.
Ndër të tjera në njoftimin e SHSKUK-së thuhet se gjatë kësaj periudhe 3 mujore janë kryer edhe shumë shërbime të tjera mjekësore neurologjike.
“Stafi i klinikës ka kryer 917 EEG dhe 494 EMNG, 39 raste me Sklerozë Multiple, 650 raste të epilepsisë, 68 raste neuro-psikologjike dhe shumë shërbime të tjera mjekësore neurologjike për pacientë të spitalizuar dhe ata ambulantor”, thuhet tutje në njoftimin e SHSKUK-ë.
