Shala e cila është edhe Koordinatore Nacionale Kundër Dhunës në Familje, ka thënë se ndihet e shqetësuar lidhur me rastin e dhunimit të vajzës në Prishtinë.
Ministria e Drejtësisë përmes një njoftim ka bërë të ditur se në këtë takim është theksuar qeveria do të krijojë një Komision Profesional, i cili do të analizojë dhe rekomandojë veprime konkrete.
“Konfirmojmë gatishmërinë e secilit institucion përgjegjës për ndërmarrjen e të gjithë veprimeve, konform legjislacionit në fuqi. Qeveria do të krijojë një Komision Profesional, i cili do të analizojë dhe rekomandojë veprime konkrete “, thuhet në njoftimin e ministrisë, përcjellë teve1.info.
Komisioni do të bëjë:
Një hulumtim kriminologjik të faktorëve që çojnë në kryerjen e veprimeve tilla;
Përgjigjet institucionale ndaj rasteve të abuzimit me të mitur;
Zhvillimi i procedurës dhe epilogu i rasteve të kësaj natyre si rezultat i veprimeve të prokurorisë dhe gjykatave në Republikën e Kosovës, për një periudhë 5 vjeçare.
Fëmijët e vajzat tona kanë të drejtë të jetojnë të lira prej dhunës. Jemi të vetëdijshëm për obligimin institucional për të garantuar që të njejtat të shkojnë pa frikë të dhunimit në shkollë, punë a kudo nëpër hapësirat publike”.
Zëvendësministrja Shala theksoi se Grupi do të rimblidhet sërish brenda kësaj jave.
