Përmes një komunikate, Sindikata thotë se gjatë vitit 2023 do të largohen një mijë e 500 infermierë, teksa bëhet e ditur se infermierët kualitativ dhe me eksperiencë po ikin nga vendi.
“Padyshim që meritojnë një vëmendje institucionale, mirëpo edhe përpjekje serioze dhe maksimale për t’a ngadalsuar këtë trend, duke ofruar kushtet për punë por edhe ngritje pagash. Janë pikërisht infermierët e Mjekimit Intenziv, Teknikët e Anestezionit, Istrumentaret, infermierët e Qendrës Emergjente, ndërsa në përgjithësi infermierët kualitativ dhe me eksperiencë ata që po targetohen dhe rekrutohen nga punëdhënësit e huaj, ndërsa ikja e tyre do i vendoste para kolapsit total secilën nga këto klinka të lartpërmendura, pasi janë pikërisht këta profesionist që i mbajnë këto klinika ‘Up and Running’, pavarsisht mungesës së mjekëve”, thuhet në komunikatë.
Sipas Sindikatës, në vend të presionit, degradimit personal e profesional atyre duhet t’iu krijohen kushte të sigurta dhe më të mira pune si dhe të respektohet roli i tyre.
“Andaj në vend të presionit, shtypjes, degradimit personal dhe profesional, të krijohen kushte të sigurta dhe më të mira pune, të respektohen këta profesionist dhe roli i tyre, t’u njihet puna dhe angazhimi si dhe të respektohen si profesionist shëndetësor, të mos zhvendoset fukusi i tyre nga kujdesi për qytetarin në fushën administrative dhe korrieri. Urojmë që Qeveria, Ministria përkatëse të reflektoj, ndërsa urojmë që edhe nga këta profesionist mos të largohen nga Kosova, sepse atëherë do shihet vërtetë kolapsi në këto klinika, ndërsa të njejtit nuk ka mundësi të zëvendësohen, pasi një profesionist i tillë nuk krijohet mbrenda muaji, e në anën tjetër qytetarët do e pësojnë më së shumti”, thuhet tutje./teve1.info/
