Sipas njoftimit të Presidencës, në takim Osmani ka theksuar se institucionet e Kosovës janë të përkushtuara për sigurimin e mbarëvajtjes dhe sigurinë publike në bashkëpunim të ngushtë me partnerët ndërkombëtar.
“Presidentja Osmani ka theksuar se institucionet e Republikës së Kosovës janë të përkushtuara për të siguruar mbarëvajtjen dhe sigurinë publike në gjithë territorin, në bashkëpunim të ngushtë me partnerët ndërkombëtar dhe forcat e KFOR-it në Kosovë. Tutje, Presidentja Osmani ka potencuar se zbatimi i rendit dhe ligjit është objektiv i institucioneve të Kosovës dhe se nuk përbën kërcënim për asnjë qytetar, pa dallim përkatësie etnike”, thuhet në njoftim.
Ndryshe, gjatë së hënës Osmani është takuar edhe me ambasadorin amerikan, Jeff Hovenier dhe ministrin e Brendshëm, Xhelal Sveçla lidhur me zhvillimet e fundit në veri./teve1.info/
