Përmes një komunikate për media AKK-ja ka njoftuar se në këtë takim Presidentja Osmani ka kërkuar nga ky bord të gjendet një zgjidhje rreth grevës në sektorin publik në mënyrë që të kthen sa më shpejt nxënësit në shkolla, shkruan teve1.info.
“Gjatë takimit u diskutua rreth situatës së fundit të krijuar pas vendimit të Bashkimit të Sindikatave të Pavarura të Kosovës për grevë të sektorit publik. Gjatë takimit u diskutua për mundësinë e gjetjes së një zgjidhje për të dalur nga kjo situatë. Presidentja e Republikës së Kosovës kërkoi nga Bordi i AKK-së që të ndihmoj për aq sa mundet në proceset që kanë të bëjnë me zgjidhjen e situatës së fundit rreth grevës në sektorin publik dhe kthimin sa më të shpejtë të nxënësve në bankat shkollore”, thuhet në komunikatë.
Kryetari i AKK-së, Agim Aliu ka theksuar se komunat kanë kryer të gjitha obligimet e veta sa i përket përgatitjeve për fillimin e vitit të ri shkollor, por që sipas tij komunat nuk janë përgjegjëse për grevat.
“Ai theksoi se komunat nuk janë palë e këtij problemi por janë duke I vuajtur pasojat nga mos-zgjidhja e këtij problemi. Kryetari Aliu, theksoi se greva e punonjësve të sektorit publik duhet të marrë fund me bisedime mes palëve dhe se ndalja eventuale e pagave nuk është zgjidhje e problemit. Ai theksoi se komunat kanë kryer të gjitha obligimet e veta sa i përket përgatitjeve për fillimin e vitit të ri shkollor, por që komunat nuk janë përgjegjëse për grevat”, thuhet tutje në njoftimin e AKK-së/Teve1.info/
