Përmes njoftimit, Gjykata bëri të ditur se me rastin e vlerësimit të rrethanave për caktimin e masës së paraburgimit, vlerësoi se me ndonjë masë tjetër nuk mund të arrihet zhvillim i sukseshëm i procedurës penale.
“Gjyqtari i procedurës paraprake, me rastin e vlerësimit të rrethanave për caktimin e masës së paraburgimit vlerësoi se me ndonjë masë tjetër alternative, nuk mund të arrihet zhvillimi i suksesshëm i procedurës penale, përkatësisht shmangien e rrezikut për ikje si dhe ndikimi në deklarimet e dëshmitarëve dhe mbledhjen e provave materiale në këtë çështje penale”, thuhet ndër tjerash në njoftim.
Tutje, Gjykata ka bërë të ditur se kundër këtij aktvendimi palët kanë të drejtë ankese në Gjykatën e Apelit të Kosovës.
Ndryshe, i pandehuri dyshohet se ka vrarë djalin e tij mbrëmjen e së hënës në fshatin Peran të Podujevës.
Teve1.info ka mësuar përmes burimeve se Policia e Kosovës ishte në dijeni për problemet mes tyre, por që nuk kishte pasur reagim./teve1.info/
