Sipas tij, me nënshkrimin e kësaj marrëveshjeje janë përdorur standarde të dyfishta për të burgosurit kosovarë.
Në emisionin “Ditari” në Tëvë 1,ai thotë se kjo për shkak se në Burgun e Gjilanit ku danezët do të rehabilitohen, kushtet janë më të mira në krahasim me burgjet tjera.
“Konkretisht implikimet e të drejtave të njeriut mund të jenë shumëdimensionale, p.sh e para është që një transferim i tillë bazuar në praktikat e mëparshme mund të krijojë standarde të dyfishta dhe kjo interpretohet në dy nievele e para për të transferuarit nga burgjet e Danimarkës në të Gjilanit ata janë dënuar me një sistem danez dhe vendimi për të vuajtur dënimin duhet ta kryejë në kushte të njëjta sikur të dënuarit tjerë në Danimarkë”, tha ai.
Madje, Musaj shton se problem tjetër në rehabilitimin e të burgosurve danezë është se ata që po mbahen aktualisht në Burgun e Gjilanit janë vetëm në paraburgim dhe se nuk ka vende të lira për transferimin e tyre nëpër qendrat tjera korrektuese.
“Si vërejtje e parë është mbipopullimi që mund ta shkaktojë në sistemin korrektues e dijmë që Ministria e Drejtësisë ka dalë me një analizë që në sistemin korrektues në Kosovë janë diku mbi 700 vende të lira por çështja është se këto vende nuk janë të gjitha të afta fizikisht nuk i plotësojnë kushtet fizike për t’i pranuar të burgosurit. Çështja është që vendet e lira që aktualisht janë për të burgosurit kosovarë që do të zhvendosen nga burgu i Gjilanit në qendrat tjera dallon për nga kualifikimi i veprës që ata mbahen. Në Gjilan mbi 90 për qind janë në paraburgim dhe vendet e lira që përmenden nga Ministria e Drejtësisë nuk janë për këtë kategori të veprave p.sh Burgu i Sigurisë së Lartë nuk mund ta akomodojë asnjë pastaj Qendra në Smrekonicë është pavijon gjysmë i hapur, në Prizren është e mbipopulluar pastaj janë qendrat për mbajtjen e femrave që vuajnë dënimin në Lipjan”, shtoi ai./teve1.info/
