Lajmin për teve1.info e ka konfirmuar zëdhënësi i Policisë së Kosovës për rajonin e Gjakovës, Nusret Xhurkaj.
“Me datë 11.05.2022 rreth orës 14:00 ka ndodhë aksident trafiku të përfshira një automjet dhe një motoçikletë. Deri te aksidenti është ardhë derisa ngasësi i automjetit VË Touran ishte duke lëvizur përgjatë rrugës ‘Mic Sokoli’ dhe kur arrinë në udhëkryq me rrugën “Martirët Qerezi” nuk e respekton shenjën e trafikut (kryqëzim me rrugë me përparësi kalimi) dhe goditet nga motoçikleta në pjesën anësore të krahut të djathtë. Si pasojë e aksidentit në të dy automjetet shkaktohen dëme materiale ndërsa lëndime trupore peson motoçiklistja”, tha ndër tjerash ai.
Tutje, ai bëri të ditur se e lënduara pas marrjes së ndihmës në Spitalin Rajonal të Gjakovës, për shkak të lëndimeve të rënda në dorën e majtë është shtruar në Repartin e Ortopedisë.
“E lënduara me autoambulancë dërgohet në Emergjencën e Spitalit Rajonal në Gjakovë,ku pas marrjes së ndihmës për shkak të lëndimeve të rënda frakturë në dorën e majtë shtrohet në repartin e ortopedisë për shërim të mëtejshëm. Në lidhje me rastin është njoftuar Prokurori i Shtetit i cili me urdhër te prokurorit rasti shkon në procedurë të rregullt”, shtoi ai./teve1.info/.
