Por, ky status në Facebook i këtij qytetari, ra në sy të ministres së drejtësisë.
Madje, Albulena Haxhiu e ripostoi atë, duke thënë se do ta raportojë në polici.
Pas replikave, Haxhiu reagoi përsëri të martën.
Krejt kjo, pas ngjarjeve të fundit të dhunimit të 11 vjeçares në Kosovë.
“Pedofilët dhe ata të cilët i normalizojnë e tallen me këto krime nuk dallojnë dhe aq. Relativizimi dhe përqeshja e pedofilisë, vetëm sa do ta rëndojë situatën dhe do t’i shtojë pedofilët e do ta normalizojë këtë krim!”, shkroi Haxhiu.
Por, sipas njohëseve të çështjeve juridike, shkrimi i publikuar nuk ka elemente të vepres penale.
Ndërkohë njohësit e protokollit, thonë se një komunikim i tillë, nuk i takon një ministreje.
Tomor Avdija, njohës i protokollit thotë se krerët e institucioneve, duhet të kujdesen edhe për imazhin e dikasterit që e udhëheqin.
Tëvë1 ka pyetur vet ministren Haxhiu, nëse e ka paraqitur rastin në Policinë e Kosovës.
“Konsiderojmë se tashmë policia është vënë në dijeni të reagimit të Ministres, reagim ky i cili ishte i shtyrë për shkak shqetësimeve që kemi me mendësinë dhe tendencën e relativizimit dhe normalizimit të pedofilisë si krim dhe talljen me viktimat e këtij krimi”, tha Merita Abazi, asistente e Ministres.
I gjithë debati për këto raste, erdhi pas dhunimit të 11 vjeçares në dy raste të ndara së fundmi.
Kronika e realizuar nga Fidan Zejnullahu.
