Në hapjen e kësaj thirrje në fillim të muajit tetor, Qeveria kishte planifikuar buxhet 6 milionë euro, ndërsa deri më tani vlera ka arritur në 800 mijë euro.
“Deri tani Komisionet përkatëse kanë verifikuar mbi 1200 aplikacione, të cilat tashmë janë proceduar për pagesa. Vlera e dismbursuar deri më tani është mbi 800 mijë euro”, thuhet në përgjigjen e ministrisë për Tëvë1.
Subvencionimi i efiçiencës së energjisë përmes kësaj thirrje ju mundëson qytetarëve të blejnë pajisje me nivel të lartë të efiçiencës, që ndikon direkt në: (i) reduktimin e kërkesës për energji/ energji elektrike dhe (ii) rritjen e ndërgjegjësimit të konsumatorëve për nevojën e kursimit të energjisë.
Pajisjet që subvencionohen janë: Pompë termike, Pompë termike ajër-ajër të tipit inverter me efiçiencë të lartë (kondicioner/ klimë eficiente), Kaldaja me biomasë (dru, pelet, briket), Stufa individuale me biomasë
Ministria e Ekonomisë kishte mbyllur afatin më 12 tetor 2022, pasi numri i aplikimeve ka shteruar shumën e paraparë për këtë thirrje prej 6 milionë euro.
Kjo është bërë duke supozuar që të gjithë personat që kanë aplikuar do të subvencionohen me shumën maksimale të pajisjes.
Qeveria ka specifikuar subvencionimin e pajisjve për kursim të energjisë elektrike.
Pompë termike: 30% e vlerës investive dhe jo më shumë se € 2500.00. Pompë termike ajër-ajër inverter (kondicioner/ klimë efiçiente): 40% e vlerës investive dhe jo më shumë se € 400.00.
Kaldaja me biomasë (dru, pelet, briket): 70% e vlerës investive, por jo më shumë se € 1200.00.
Stufa individuale me biomasë: Qytetarët që janë pjesë e skemës së asistencës sociale (kategoria I & II): 90% e vlerës investive, dhe jo më shumë se € 560.00. Për të tjerët: 70% e vlerës investive dhe jo më shumë se € 435.00.
