Kuvendi i Kosovës sot do të mbajë seancë të rregullt duke filluar nga ora 10:00
Në rend dite janë disa pika në mesin e të cilave edhe vazhdimi i masave emergjente me furnizim me energji elektrike.
Poashtu do në lexim të parë do të shqyrtohet Projektligji nr.08/L-201 për ndryshimin dhe plotësimin e Ligjit nr.05/L-081 për Energjinë dhe Shqyrtimi i parë i Projektligjit nr.08/L-206 për Arsimin e Lartë në Republikën e Kosovës.
Të mërkurën ka dështuar të mbahet seanca në të cilën në rend dite ishin disa pika nga seancat e kaluara, si dhe ishte paraparë të futet në rend dite rezoluta e PDK-së për shkarkimin e ministres së
Tregtisë dhe Industrisë, Rozeta Hajdari.
Arsye e dështimit të mbajtjes së seancës ishte mungesa e kuorumit, pasi partitë opozitare lëshuan seancën si shenjë kundërshtimit të vlerës së koeficientet të pagave prej 105 euro nga Qeveria e Kosovës.
