Ai duke komentuar deklarate e LDK-së e cila kërkoi shkarkimin e Gërvallës, duke e vlerësuar atë si ministren më të dobët në një vit qeverisje, tha se kërkesa po vije nga partia e cila nuk e lejoi të marrë pjesë në Këshillin e Përgjithshëm.
Kurti ka përmendur kohën kur Gërvalla me truporja ishte larguar në Këshilli i Përgjithshëm i LDK-së në vitin 2016.
“Mos harroni po ankohet në Ministren e Punëve të Jashtme dhe Zëvendëskryeministren e Qeverisë së Republikës së Kosovës, subjekti politik i cili kur ka qenë kjo anëtare nuk e ka lejuar të hyjë në mbledhje të Këshillit të Përgjithshëm. Pra ju e mbani në mend se si janë përdorur truprojat që zonja e nderuar, vajza e dëshmorit e heroit kombëtar të mos lejohet të hyjë në mbledhje të Këshillit të Përgjithshëm të LDK-së atë kohë”, ka thënë Kurti, shkruan teve1.info.
Më tej Kryeministri është shprehur se Lidhja Demokratike e Kosovës dëshiron që edhe ky të bëj të njëjtën gjë.
“Bëhet fjalë për një subjekt politik i cili në organin e vet më të lartë me truproja nuk e pati lejuar që të hyjë ministren aktuale të Punëve të Jashtme dhe ata dëshirojnë që edhe unë ta bëj të njëjtën gjë po unë jo vetëm që nuk jam i njëjtë me ta por unë jam shumë ndryshe prej tyre”, ka shtuar ai.
