Këto deklarata ai i bëri teksa foli në Kuvend për situatën energjetike si dhe paralajmërimin për një krizë të re, derisa shtoi se synojnë që përmes subvencionimit të disa konsumatorëve ta ulin shpenzimin e energjisë elektrike.
“Ministria është duke e përgatitur edhe një masë për efiçiencë të energjisë për konsumatorët shtëpiakë. Përmes subvencioneve, do të ndihmohen konsumatorët që të ulin shpenzimet e energjisë elektrike. Ndihma më e madhe do të koncentrohet te rastet e skemës sociale dhe te rastet që janë në nevojë, por s’janë të përfshirë në skemën sociale”, tha ai.
Sipas tij, aktualisht në termocentralin “Kosova B” janë në remont kapacitetet gjeneruese dhe se për përgatiten për sezonin e dimrit.
“Kapacitetet gjeneruese të termocentraleve gjatë sezonës së verës janë në remont të rregullt te ne. Njëri bllok i Kosovës B është në remont të rregullt dhe pritet të përfundojë gjatë këtij muaji, ndërsa blloku tjetër i Kosovës B do të hyjë në remont gjatë muajit gusht dhe do të zgjasë rreth 25 ditë”, tha ai.
Tutje, ai shtoi se do të ketë remont të rregullt jashtë dimrit edhe në termocentralin “Kosova A”.
