Kurti tha se me nënshkrimin e kësaj marrëveshje, Kosova ka thelluar marrëdhëniet me aleatin e saj kryesor, me Shtetet e Bashkuara të Amerikës, shkruan teve1.info
“Në Uashington DC nënshkruam marrëveshjen me të cilën Shtetet e Bashkuara të Amerikës përmes Korporatë së Sfidës së Mijëvjeçarit janë pajtuar t’i jepin Kosovës grant në vlerë prej 200 e 2 milion dollarë. Ky është granti ma i madh i njëhershëm në historinë e Kosovës së çliruar. Qeveria e Kosovës është zotuar se do ta mbështes programin me34. 7 milion dollarë si bashkëfinancim duke e quar kësisoj vlerën totale në 236. 7 milion dollarë”, tha Kurti.
Kryeministri tutje gjatë konferencës foli për investimet e kësaj marrëveshje për të cilat tha se do të përfshijnë tri projekte.
“Investimet e planit kompakt do të jenë pronë e Kosovës dhe do t’i përfshijnë 3 projekte, e para është rezerva dhe arbitrazh të energjisë apo bateritë me kapacitet 340 megavat, e dyta është zhvillimi i fuqisë punëtore dhe përfshirja e grave në sektor të energjisë dhe e treta është projekti i institucionit amerikan të katalizatorit për zhvillim. Këto tri projekte do të ulin nevojën për blerjen e shërbimeve rregulluese, do të ulin koston e importimit të energjisë dhe do të përshpejtojnë kyçjen e burimeve të ripërtërishme në rrjet. Paralelisht zhvillohen kuadro profesionale në fushën e energjisë i dhe nxiten investime në sektorin privat”, deklaroi Kurti./Teve1.info/
