Në një konferencë për media të mërkurën, Kurti thotë se ka konsideruar më të rëndësishme komunikimin me avokatët e të akuzuarve, duke mos përjashtuar mundësinë e një vizite në Hagë.
“Unë kam konsideruar që më e rëndësishmja në fazën që kalojmë sa i përket Gjykatës që nuk është e lëvdueshme për nga transparenca e saj të kontaktojë, komunikojë dhe të diskutojë me avokatët e luftëtarëve të UÇK-së që janë në Hagë e po mbahen atje në një paraburgim të stërzgjaur mbase edhe mund ti vizitojë por po tregoj çka është më e rëndësishme çka mund të bëjë si kryeministër”, tha ai.
Madje, kryeministri vlerëson se situata do të rregullohet momentin kur do të bëhet “mirë për të gjithë ata”.
“Avokati ka prioritet klientin e vet individualisht por është Republika e Kosovës, Qeveria e saj, unë si kryeministër që e kuptojmë se do të bëhet mirë për të gjihtë ata që po mbahen në paraburgim të stërgjatur atëherë kur do të bëhet mirë për të gjithë ata, për secilin do të behet mirë kur të bëhet mirë për të gjithë ata, është tejet e rëndësishme që mbrojtjet e këtyre të pandehurve të mos shkojnë në dëm të njëra-tjetrës”, shtoi Kurti.
Po ashtu, ai thekson se ka qenë kritik ndaj aktakuzës së Speciales për shkak se UÇK-ja konsiderohet “ndërmarrje e përbashkët kriminale”.
“Atje në pyetje nuk janë vetëm individët dhe e dini shumë mirë se qysh në verën e vitti 2020 atëherë kur ishte publikuar aktakuza unë kam paraqitur kritikën edhe kundërshtimin për atë që u quajt ‘ndërmarrje e përbashkët kriminale’”, shtoi ai./teve1.info/
