Përmes një postimi në Facebook, ai tha se në këto momente të vështira ndajnë dhembjen me institucionet dhe popullin e Turqisë.
“Jam i pikëlluar dhe i tronditur nga shpërthimi i sotëm në Stamboll që la disa të vdekur dhe dhjetëra të lënduar. Në këto momente të vështira, ndajmë dhembjen me institucionet e Republikës së Turqisë dhe popullin mik turk. Familjeve të viktimave u shpreh ngushëllimet e mia të thella dhe për të lënduarit uroj shërim sa më të shpejtë. Shpresoj që përgjegjësit e këtij akti terrorist të gjenden e të dalin para drejtësisë sa më parë”, shkroi Krasniqi.
Lidhur me këtë shpërthim, presidenti turk, Recep Tayyip Erdogan ka folur në një konferencë për media duke aluduar në sulm terrorist, raporton Reuters.
“Përpjekjet për ta mposhtur Turqinë dhe popullin turk përmes terrorizmit do të dështojnë sot ashtu siç dështuan dje dhe siç do të dështojnë sërish nesër”, tha Erdogan.
Sipas tij, informacionet fillestare tregojnë se një grua luajti rol në këtë shpërthim, teksa shton se fajtorët e këtij sulmi do të ndëshkohen ashtu siç e meritojnë.
“Vëzhgimet fillestare tregojnë se një grua ka pasur rol në shpërthimin në rrugën Istiklal të Stambollit. Do të ishte gabim të thuash se ky është padyshim një sulm terrorist, por zhvillimet fillestare dhe inteligjenca fillestare nga guvernatori im është se ai mban erë terrorizmi”, tha Erdogan.
https://teve1.info/rajonibota/erdogan-thote-se-shperthimi-ne-stamboll-mban-ere-terrorizmi-nje-grua-ka-pasur-rol/
