Sipas një hulumtimi nga organizata AKTIV, qytetarët serb thonë se problemi më i madh që ata ballafaqohen është korrupsioni.
Udhëheqësi i kësaj organizate, Miodrag Miliceviq, thotë se duhet të hartohet një strategji e re për ta luftuar korrupsionin në këto komuna.
“Në bazë të hulumtimit tonë ne kemi kuptuar që 70% qytetarëve në një far forme kanë qenë subjekt i korrupsionit. Disa prej tyre janë detyruar të japin para në shkëmbim të një favori nga komuna përkatëse. Është e domosdoshme të bëhen ndryshime në këto komuna, duhet të hartohet një strategji konkrete nga niveli qendror. Duhet një luftë e fortë kundër korrupsionit me të cilën qytetarët po ballafaqohen”, ka thënë ai.
Si e rëndësishme po shihet që qytetarët të jenë më aktiv, dhe të kërkojnë me shumë llogaridhënie nga udhëheqësit lokal, shprehet Caleb Waugh nga shoqëria civile
“Qytetarët duhet të jenë më prezent në jetën politike, duhet një angazhim me i madh së bashku me shoqërinë civile. Qytetarët duhet të jenë të vetëdijshëm se kanë shumë të drejta, ne nuk duhet ta tolerojmë korrupsionin. Ndër të tjera, përmes këtij publikimi zyrtarët komunal mund ta kuptojnë se si të jenë më transparent me qytetarët”, shprehet ai.
Cak i këtij hulumtimi nga Organizata Aktiv ishin komuna e Mitrovicës së Veriut, Zubin Potoku, Leposaviqi, Zveqani, Graqanica dhe Shtërpca.
Kronika e realizuar nga Shpat Blakçori
