Gjatë takimi, Konjufca i ka shprehur mirënjohje për mbështetjen të cilën i ka dhënë Austria Kosovës në të gjitha fazat e shtetndërtimit dhe zhvillimit.
“Kryetari Konjufca shprehu mirënjohje për mbështetjen të cilën Austria i ka dhënë Kosovës në të gjitha fazat e shtetndërtimit dhe zhvillimit të saj, duke theksuar nevojën e vazhdimit të mbështetjes për liberalizimin e vizave, proceset e integrimit në BE dhe anëtarësimin në organizata ndërkombëtare”, thuhet ndër tjerash në njoftim.
Po ashtu, në njoftimin e Kuvendit thuhet se në takim është shprehur gatishmëria për avancimin e bashkëpunimit dhe shkëmbimit të praktikave parlamentare.
“Gjatë takimit u vlerësuan raportet e mira dhe partneriteti i fuqishëm midis Austrisë dhe Republikës së Kosovës. Po ashtu u shpreh gatishmëria për avancimin e bashkëpunimit, shkëmbimin e praktikave parlamentare dhe fuqizimin e mëtejmë të miqësisë mes dy shteteve tona. Në takim morën pjesë edhe ambasadori i Austrisë në Kosovë, Christoph Ëeidinger dhe zëvendësi i tij, Martin Schaller”, njofton tutje Kuvendi./teve1.info/
