Përmes njoftimit, Policia e Kosovës ka bërë të ditur se janë arrestuar katër persona te të cilët është kapur një sasi prej 2 kilogramë e 158 gramë Marihuanë dhe një gramë substancë e llojit kokainë.
“Policia e Kosovës, konkretisht Drejtoria për Hetimin e Trafikimit me Narkotikë-Sektori Qendror, me datë 23.03.2022, në ora 18:17, në Prishtinë, pas disa veprimeve operativo hetimore ka ndërmarrë një operacion taktik të koduar me emrin ‘’MARSI‘’ ku është arrit të ndalohen katër (4) persona të dyshuar të cilët ishin duke shkëmbyer substancën narkotike të dyshuar e llojit marihuanë me peshë 114 gram. Substanca është gjetur tek i dyshuari me iniciale A.H. ndërsa tre personat tjerë dyshohet se kishin qellim blerjen e substancës. Gjithashtu është kryer kontrollimi i banesës së të dyshuarit dhe gjatë kontrollimit janë gjetur dhe konfiskuar 2 kg 158 gr. substancë e dyshuar narkotike të llojit Marihuanë dhe 1 gr. substancë e dyshuar narkotike e llojit Kokainë”, thuhet ndër tjerash në njoftim.
Tutje, PK ka njoftuar se në cilësi të provave materiale pas kontrollimit të banesës së njërit prej të dyshuarve, në cilësi të provave janë konfiskuar dy peshore digjitale, katër telefona celularë dhe 670 euro.
Ndërkaq, personave të arrestuar i është caktuar masa e ndalimit prej 48 orësh dhe se “rasti vazhdon të hetohet nga sektori qendror i antidrogës së Policisë së Kosovës”./teve1.info/
