Por këtë brengë nuk do ta kenë qytetarët e komunës së Shtimes.
Kjo pasi javë më parë kjo komunë ka vazhduar edhe për një vit kontratën me Bashkësinë Islame të Shtimes, për mbulimin e shpenzimeve të ceremonisë së varrimit.
“Kohëzgjatja e kësaj kontrate është kontratë kornize 12 mujore, komuna mbulon shpenzimet e varrimit, keso lloj kontrate kemi pas edhe viteve të mëhershme. Kemi pas kontratë kornize 36 mujore mirëpo këtë vit ka skadu ajo kontratë dhe kemi vazhdua kontratën 12 mujore”, thotë Muhadin Halili, zyrtar i prokurimit publik
Vitin e kaluar shpenzimet për një të vdekur ishin 210 euro, por këtë vit çmimi për një ceremoni mortore ka ndryshuar.
Nga Këshilli i Bashkësisë Islame në Shtime kanë treguar për tëvë1 kushtin e vetëm që banorët e këtushëm duhet të plotësojnë për të përfituar nga ky vendim.
“Natyrisht për ta përfituar të drejtën e shërbimeve të varrimit është kusht anëtarësimi, në komunën tonë janë të gjithë mysliman. Anëtarësia këtu tek ne është 4 Euro në vit. Ndërsa pagesa për mbulimin e shpenzimeve më herët ka qenë 210 Euro për një person ndërsa tani me kontratën e re është 250 Euro”, thotë Skender Baftiu, kryetar i Këshillit të Bashkësisë Islame në Shtime.
E qytetarët e vlerësojnë këtë bashkëpunim ndërmjet Komunës dhe Bashkësisë Islame.
Një marrëveshje e tillë tashmë është jetësuar edhe në disa komuna të tjera të vendit.
Kronika e realizuar nga Lendrina Kodrolli
