Këto deklarata ai i bëri përmes një postimi në Facebook, teksa komentoi kërkesën e opozitës për tërheqjen e 30 për qind të fondeve të kursimeve pensionale.
Ai u ka bërë thirrje deputetëve që të mos votojnë pro një kërkese të tillë, sepse “nuk bëhert zgjidhje të problemeve sociale me punë të huaj”.
“Të nderuar deputetë: Trusti nuk duhet të shkatërrohet për një moment me disa vështirësi ekonomike ose për një grusht vota. Do t’i ballafaqoni njerëzit në kohën e pensionit si mos ma keq. Nuk bëhet zgjidhje të problemeve sociale me pronë të huaj. Deputet JU JENI PËRGJEGJËS me hap perspektive, jo me cenu të drejtën e kursyesve, gjoja se JU po bani punë të ‘madhe’”, shkroi ndër tjerash ai.
Opozita është pro lejimit të një tërheqje të re nga Trusti, por pushteti këmbëngul se një gjë e tillë do ta dëmtonte ekonominë e vendit.
Ndryshimi ligjor që mundëson tërheqjen ka shkuar në Kuvend pa aprovimin e Qeverisë dhe të Komisionit të Buxhetit.
Madje, sot para ndërtesës së Qeverisë u mbajt një protestë paqësore, me disa qytetarë që kërkonin aprovimin nga Kuvendi për të lejuar tërheqjen nga Trusti./teve1.info/
