Ministrja e Drejtësisë, Albulena Haxhiu ka akuzuar deputetët e opozitës se po dëshirojnë që drejtorit të KEK-ut, Nagim Krasniqi t’ia bëjnë gjyqin në Kuvendin e Kosovës.
Ajo në seancën e jashtëzakonshme për arrestimin e Krasniqit i cili dyshohet për keqpërdorim të detyrës zyrtare, tha ka përshtypjen që edhe opozita ka njohur se ish-drejtori i KEK-ut nuk është i përfshirë në këto raste.
“Po ma jepni një përshtypje, se ju e dini shumë mirë se ai nuk është fare i përfshirë në këto që po thoni, prandaj po doni me ja ba gjyqin në Kuvendin e Kosovës, me shpall aktgjykim dënuar në Kuvendin e Republikës së Kosovës. Nxirreni aktgjykimin dënues, dënojeni me burgim të përjetshëm”, ka thënë Haxhiu, shkruan teve1.info
Ajo ka thënë se Prokuroria nuk është marrë me rastet që kanë denoncuar dhe shkeljet e gjetura nga ajo dhe ministrat tjerë.
Haxhiu ka përmendur rastin kur ish-ministri i Drejtësisë dhe ish-drejtori i burgjeve të Kosovës, pronën publike ia kishin dhënë një privati, rast të cilin ajo e kishte denoncuar.
“Prokuroria ka mbyllë këtë rast sepse ka thënë se ka arrit më ndal dëmin.
Krasniqi pas arrestimit ditë më parë të martën është pezulluar nga detyra.