Haradinaj ka thënë se është detyruar ta lëshoj takimin me Kurtin, pasi sipas tij mbante ligjërata.
“Edhe pse isha pjesë e takimit me kryeministrin Kurti, u detyrova ta lëshoj takimin sepse Kurti mbante ligjërata e nuk na sqaronte se përse ka prishur raportet me Amerikën dhe përse nuk po kthehej që të realizojë kërkesën e tyre”, ka shkruar ai në një postim në Facebook.
Sipas tij, është e papranueshme që në këto raste të prishen raportet me SHBA-në.
“Për mua është e papranueshme që në raste kaq të ndjeshme, të prishim raportet me aleatin kryesor të sigurisë”, tha më tej Haradinaj.
Kryeministri i vendit, Albin Kurti ka ftuar sot në takim krerët e opozitës për zhvillimet e fundit në veri. Kësaj kërkese për takim i ishte përgjigjur kreu i LDK-së, Lumir Abdixhiku, ai i PDK-së, Memli Krasniqi dhe kryetari i AAK-së, Ramush Haradinaj, teksa ky i fundit lëshoi takimin. /Teve1.info/
