Pas takimit me kryeministrin Kurti, Haradinaj tha se ai duhet të ketë fokus të veçantë në integritetin territorial të vendit, sovranitetin dhe kushtetueshmërinë.
”Ne të gjithë duhet të punojmë që të mos dështojë Kosova. AAK edhe në të kaluarën s’ka qëndruar indiferente, asnjëherë s’ka qenë. Nuk presim edhe me na ftu, ne kemi qenë aktiv. Ne kemi pasë komunikim të vazhdueshëm. I kemi prezantu kryeminitrit Albin Kurti, se nëse ai do të ecë përpara në koordinim me ne, nuk kërkojmë rol në dialog, por asnjëherë s’do të hezitojmë me ndihmu Kosovën në një temë në përablljen me Serbinë”, tha ai.
Ndërkohë, theksoi se marrëveshjet një nga një me Serbinë janë të dëmshme.
”Ia kam tërheq vërejtjen Kurtit në këtë rast, për strategjinë e Serbisë që të shkohet me marrëveshje një nga një. Ia thash kryeministrit Kurti, që BE do ditë e ka kryer një punë të rëndësishme në dialog, por rrethanat politike gjeostrategjike kanë ndryshu, dhe BE më nuk më është neutral, është në luftë me Rusinë, njëjtë sikurse e gjithë bota e përparuar, dhe tash është koha që edhe Kurti me kërku zyrartisht, që platformën e dialogut me kalu tek presidentiti i Amerikës, tek zotri Biden. Sepse në këtë mënyrë do të sigurohej jo vetëm arritja e marrëveshjes, por edhe garanca në implementim”, shtoi ai.
