I ftuar në emisionin “Ditari” në Tëvë 1, Hajdari thotë se kjo Qeveri gabimin më të madh e ka bërë kur ka hequr Ligjin për Pagën e veteranëve të luftës.
“Gabimin më të madh e ka bërë kur e ka hequr Ligjin për pagën e veteranve të luftës sepse edhe ne jemi pjesëtarë të këtij vendi qytetarë të Kosovës dhe kërkojmë që të trajtohet në mënyrën më të mundshme sepse këto kategori falë luftës së UÇK-së dhe kemi kriju institucione ato duhet dalur atyre në mbrojtje, nuk kërkojmë lëmoshë por që të trajtohen me ligj kategoritë e invalidëve”, ka deklaruar ai.
Po ashtu, ai ka folur edhe rreth hedhjes së gazit lotsjellës gjatë protestës – për çka thotë se nuk e di se kush e hodhi sepse ishin të orientuar për të mbajtur qetësi.
Ai thekson se nuk i kanë provokuar Policinë e Kosovës për të hedhur gaz lotsjellës, derisa shton se nuk kishin qëllim që t’a sulmonin objektin e Kuvendit dhe as të hynin brenda.
“Është pak problem me ditë se ne ishim të orientuar për nje qetësi dhe nuk ishte synim të sulmohet Kuvendi nuk besoj që ka veteranë që me mund e gjak i kemi krijuar këto institucione që t’i ofendojmë Policinë ose të hijmë në formën e djegies ose dhunimit. Qëllimi ishte që të jemi më afër Kuvendit që është dashur të mbahet mbledhja. Ka pasur prej atyre njerëzve që të hynin në seancë por ne as nuk gjuajtëm por e provokuan policia me gazin lotsjellës që ne kujtojmë që kanë të drejtë të mbrojnë por qëllimi ynë nuk ishte të hynim brenda”, shtoi ai./teve1.info/
