Përmes njoftimit, MPJD ka bërë të ditur se Gërvalla do të diskutojë me Baerbock për fuqizimin e vazhdueshëm të marrëdhënieve bilaterale dhe integrimin evropian të Kosovës.
“Gjatë vizitës zyrtare në Gjermani ministrja Gërvalla-Schëarz do të zhvillojë takim me homologen e saj gjermane znj. Baerbock, ku do të do të diskutohet për fuqizimin e vazhdueshëm të marrëdhënieve bilaterale të Republikës së Kosovës me Republikën Federale të Gjermanisë, integrimin evropian dhe përcaktimin properëndimor të Republikës së Kosovës, për aspiratat euro-atlantike të shtetit të Kosovës. Po ashtu temë e takimit ndërmjet dy ministreve të jashtme të Republikës së Kosovës dhe Gjermanisë do të jenë edhe reformat e nisura në vend, situata politike dhe e sigurisë në Evropë”, thuhet në njoftim.
Po ashtu, bëhet e ditur se dy kryediplomatet do të bisedojnë edhe për sfidat energjetike që ka rajoni e Evropa por edhe për bashkëpunimin ekonomik dhe mërgatën nga Kosova në Gjermani.
“Mes tjerash ministrja e Punëve të Jashtme dhe Diasporës, znj. Donika Gërvalla-Schëarz me ministren e Jashtme të Gjermanisë, znj. Annalena Baerbock do të bisedojë për sfidat energjetike që i ka rajoni dhe Evropa, për bashkëpunimin ekonomik mes dy shteteve si dhe për mërgatën nga Republika e Kosovës në Gjermani si një urë lidhëse kulturore, ekonomike mes dy republikave mike”, njofton tutje Ministria./teve1.info/
