Ai rrëfeu për mediat se kishte qenë përballë me të dyshuarin e ulur në qoshe, dhe kishte vënë re se po fliste me vete.
“E pashë dhe mendova: Ky nuk duhet të jetë në rregull, duhet të jetë i droguar. Kur treni pati një ndalesë të shkurtër, ai papritmas nxori një kundragaz dhe hapi një bombol. Thashë kjo nuk është e gjë e mirë. Pastaj nxori nga çanta një sëpatë, e la atë dhe mori pushkën”, tha Fitim Gjeloshi.
Policia e konfirmoi se përpara se të shtinte personi i armatosur kishte hedhur tym në metro.
Gjeloshi rrëfen se agresori e kishte qëlluar atë të parin, por fatmirësisht plumbi nuk e kapi.
“Personi ngjitur me mua u plagos e po kërkonte ndihmë, e pastaj nisi të godasë dhe të tjerët, në total, mbi 20 persona mbetën të plagosur, megjithatë asnjeri prej tyre nuk është në rrezik për jetën, unë isha me fat”thot ai
“E gjitha qe një çmenduri, u tremba për vdekje”, shton Gjeloshi
Autori i sulmit nuk është kapur ende. Policia dyshon se pistoleta e tij Glock 9 milimetërshe ngeci, duke parandaluar kështu kjo tragjedi të kishte pasoja edhe më të mëdha.
Forcat e rendit shpallën persona me interes 62 vjeçarin Frank R James, i cili më parë kishte postuar video shqetësuese në rrjet ku fliste me indinjatë për të pastrehët dhe për kryetarin e bashkisë së Nju Jorkut, Eric Adams.
Një çmim prej 50 mijë dollarësh është ofruar për atë që ofron të dhëna të cilat mund të çojnë në arrestimin e sulmuesit./topchanel.al
