Emisari Special i Shteteve të Bashkuara të Amerikës për Ballkanin Perëndimor, Gabriel Escobar, ka thënë se përshkallëzimi në komunat veriore në Kosovë ishte rezultat i mungesës së vullnetit të palës kosovare për të dëgjuar bashkësinë ndërkombëtare.
Esobar tha se fatkeqësisht përpjekjet e komunitetit ndërkombëtar për koordinim me Qeverinë e Kosovës u kundërshtuan.
“Ky përshkallëzim ishte pjesërisht si rezultat i mungesës së vullnetit të palës kosovare për të dëgjuar bashkësinë ndërkombëtare, duke insistuar në shfrytëzimin e objekteve komunale. Ishte e rëndësishme për ne që të ndërtonim besimin ndërmjet komuniteteve në mes të çdo gjëje. Fatkeqësisht, përpjekjet tona për koordinim me Qeverinë e Kosovës u kundërshtuan”, tha Esobar në një intervistë për BBC Radio.
Emisari deklaroi se Kurti kishte thënë që katër kryetarët në veri do të ushtronin autoritet vetëm administrativ.
“Kurti na siguroi se kryetarët do të ushtronin vetëm autoritet administrativ për të mbajtur shërbimet bazë në lëvizje, por u kthye në një atashe vullneti mes atyre që nuk donin që kryetarët e rinj të merrnin detyrën dhe atyre që këmbëngulën të ishin në ato komuna për arsye simbolike”, tha Escobar.
Përfund, emisari përsëriti se i janë dhënë sinjale kryeministrit Kurti që t’i tërheq kryetarët nga ndërtesat komunale, të largojë Policinë e Kosovës dhe pastaj urgjentisht të hyjë në diskutime për themelimin e Asociacionit të Komunave me Shumicë Serbe.
“Ne e kemi porositur atë që t’i tërheqë kryetarët nga ndërtesat komunale, që t’i largojë zyrtarët policorë nga ndërtesat, dhe që më pas, me urgjencë, të nisin diskutimet për formim të Asociacionit të komunave me shumicë serbe”. /teve1.info/
