Këtë deklaratë Bajrami e bërë në emisionin “Ditari” në Tëvë1 duke komentuar vrasjen e gruas shtatzënë nga ish- burri i saj.
Barajmi i cili është edhe pjesë e Komisionit Parlamentar për të Drejtat e Njeriut dhe Mbrojtjen e viktimave nga dhuna në bazë gjinore deklaroi se në vitin 2015 është votuar Ligji për mbikëqyrjen elektronike të dhunuesve mbi baza gjinore mirëpo sipas tij ai ka dalë plotësisht i pazbatueshëm.
“Në vitin 2015 është votuar Ligji për mbikëqyrjen elektronike të dhunuesve mbi baza gjinore. Tani e kemi bërë një hulumtim dhe ai ligj ka dalë plotësisht i pazbatueshëm, byzylyk elektronik është dashur tu vendosen dhunuesve sikurse ky i rastit të mbrëmshëm. Një gjë e tillë do ta kishte paralajmëruar Policinë për afërsinë e tij me viktimën dhe një gjë e tillë nuk është bërë. Në hetim parlamentar del se Policia e Kosovës ka dështuar për ta zbatuar këtë ligj sepse nuk janë parashikuar mjetet për blerjen e këtyre byzylykëve”, tha ai.
Tutje Bajrami fajëson prokurorinë dhe gjyqësinë pasi që thekson se në shumicën e rasteve kur dhunuesi e përsërit dhunën në vazhdimësi dhe në fund përfundon me fatalitet, përfundon për shkak të neglizhencës së disa institucioneve për ta mbajtur përgjigjes dhunuesin.
“Këtu ka dështuar edhe zinxhiri i zbatimit të rendit që është policia .Zyrtarët policor të cilët e kanë neglizhuar punën e tyre në këtë rast kanë për të marrë dënimin meritor. Duhet të ketë dënime të larta për secilin që bënë veprime të tilla”, tha ai.
Sipas deputetit të VV-së prokuroria duhet t’i marrë si të dyshuar edhe individë të tjerë brenda familjes së vrasësit të gruas shtatzënë pasi që sipas tij edhe familjarët e tij kanë qenë në dijeni për dhunën.
Ndërkohë brenda pesë ditëve në Kosovë dy gra janë vrarë nga burrat e tyre./Teve1.info/
