Pushimoret dhe lojërat e fëmijëve në parkun “Idriz Rreci” në Skenderaj janë dëmtuar nga persona deri tash të paidentifikuar.
Lajmin e ka bërë të ditur kryetari i kësaj komune, Fadil Nura.
Ai ka dënuar këtë akt, ndërsa ka thënë se kryesit e kësaj vepre do të japin llogari.
“Pavarësisht përpjekjeve tona që me mish e shpirt mundohemi të krijojmë pak hapësirë për pushim, rekreacion dhe shëtitje, siç është parku i ri i përuruar javën e kaluar, për secilin që merr frymë në komunën tonë, për fatin tonë të keq, ekziston gjithmonë dikush i cili dëfrehet me vandalizëm, deri në këtë nivel sa shkatërron pushimoret dhe lojërat e fëmijëve në Parkun “Idriz Rreci” në qytet. Kushdo që ka mundur të shkaktojë këtë neveri, do të jap llogari”, ka shkruar Nura.
Parku “Idriz Rreci” në Skenderaj është përuruar në dhjetor të vitit 2019./teve1.info/
