Demhasaj tha se Qeveria ka pasur kohë të dialogoj me Sindikatat dhe të gjejë zgjidhje dhe sipas tij, mungesa e dialogut ka sjellë si pasojë edhe grevën.
“Ka pasur kohë Qeveria dy muaj gjatë verës për me u ulë dhe me diskutu me Sindikatat dhe thjeshtë me gjetë zgjidhje sepse kërkesat e tyre janë legjitime dhe janë të arsyeshme, a ka a s’ka Qeveria si të themi financa për me i realizu kërkesat që i ka SBASHK-u, edhe mund të mos i ketë por këto në njëfarë mënyre diskutohen në takime që mund të bëhen nga përfaqësues të Qeverisë dhe dhe përfaqësues të Sindikatave dhe Qeveria i tregon aty ku mundet me i realizu kërkesat dhe ku nuk mundet. Por mungesa e theksuar ose si të themi mos me pasë fare dialog qysh i kemi pasë këta muaj ka sjellë pasojën që ne sot e kemi grevën”, tha ai.
Demhasaj tha se problemi nuk është te 100 eurot që po i kërkon Sindikata por sipas tij, ekziston një tendencë e Qeverisë për t’i politizuar njerëzit e sindikatës që në këtë mënyrë të krijoj edhe përçarje.
“Nuk është problemi të 100 eurot që po i kërkon Sindikata problemi është diku tjetër. Ka një tendëncë për me i politizu njerëzit që janë në sindiktaë e pas politizimit me i përça mes veti e që pas përçarjes vjen një proces i ri i krijimit ose ndryshimit të njerëzve që janë aty …Vazhdimisht ka tendenca të acarimit të marrëdhënieve mes Qeverisë dhe Shoqatave të dala nga lufta, tash me Sindikatat,neser mund të jetë me dikë tjetër pra është një tendencë e krijimit të problemeve të tilla në kuadër të kësaj e shoh edhe me SBASHK-un”. shtoi ai./teve1.info./
