Sipas saj, Osmani që nga fillimi nuk ka qenë unifikuese, por përçarëse, madje Deliu tha se Osmani ka dështuar që t’i sjell Kosovës njohje e anëtarësime në organizata ndërkombëtare, raporton teve1.info
“Presidentja që ka shkelur tri herë Kushtetutën e Republikës së Kosovës, sot e shkeli për së katërti. Që nga fillimi ajo nuk ishte unifikuese, por përçarëse. Si udhëheqëse e politkës së jashtme, ajo ka dështuar t’i sjell Kosovës njohje dhe anëtarësime në organizata ndërkombëtare. Ajo do të hyjë në histori, si presidentja notere e Albin Kurtit!”, ka shkruar Deliu.
Tutje Deliu ka thënë se Osmani në mungesë të sukseseve mundohet t’i mbuloj dështimet duke vazhduar shpifjet për ish-presidentin, Hashim Thaçi.
“Në mungesë të sukseseve, ajo po mundohet t’i mbuloi dështimet duke vazhduar shpifjet për Presidentin Thaçi, i cili, në Hagë, po ballafaqohet me fabrikimet e Serbisë dhe Rusisë! Presidenti Thaçi dhe të tjerët do të dalin fitimtarë në këtë betejë me Serbinë dhe Rusinë, por edhe me vogëlsinë e disa liderëve institucional të Kosovës”, përfundoi ajo.
