Shefi i diplomacisë së BE-së, Josep Borrell ka thënë se palët janë dakorduar për aneksin e zbatimit të marrëveshjes bazë për të cilin ishin dakorduar më 27 shkurt.
“Objektivi ishte të dakordohen se si ta implementojnë marrëveshjen e pritur në takimin e 27 shkurtit në Bruksel. Marrëveshja ishte arritur atëherë por sot ishte të arrihej marrëveshje në si, kur, ku dhe nga kush duhet të bëhet. Zakonisht thuhet se se djalli është në detaje, por disa herë është në kalendar, në kohë”.
“Ne kemi një marrëveshja pas 12 orëve se si ta bëjmë këtë. Kosova dhe Serbia kanë marrëveshje për aneksin e zbatimit për marrëveshjen për rrugën e normalizimit të raporteve. Janë dakorduar për të gjitha nenet dhe të implementojmë të gjitha obligimet në mirëbesim”.
Borrell ka thënë se Kosova ka rënë dakord që menjëherë ta lansojë negociata të reja për çështjen e Asociacionit
“Ky rezultat vjen pas negociatava të gjata dhe të vështira. Ne patëm disa takime në disa formate…Më lejoni që të fokusohem në çështje specifike. Kosova është dakorduar që të lansojë menjëherë negociata nën ndërmjetësimin e BE-së për të garantuar një nivel vetmenaxhimi për serbët. Po ashtu palët janë dakorduar të miratojnë një deklaratë për persona të zhdukur në mënyrë urgjente siç ka qenë e negociuar”, ka thënë Borrell.
“Do të ketë pasoja për palët nëse nuk i zbatojnë marrëveshjet”, ka thënë ai.
.
