Kështu është shprehur ai pas deklaratës së kryetarit të Lidhjes Demokratike të Kosovës, Lumir Abdixhiku i cili tha se “gjatë takimit me Kurtin nuk pa ndonjë plan konkret për zgjidhjen në veri të vendit”.
Përmes një postimi në Facebook, ai ironizoi me Abdixhikun duke thënë se posa të marr informacione për këtë, do t’ia transmetojë edhe atij.
“Kryeministri Kurti nuk po na e tregon planin për veriun as neve deputetëve të Grupit Parlamentar te LV-së, e po ia tregon deputetit të LDK. Kur të më të tregon mua Lumir, mos ta nin se pastaj ta tregoj unë ty planin për veriun”, ka shkruar Bajqinovci.
Ndryshe, të martën Kurti i ka pritur në takim krerët e partive opozitare. Pak pasi nisi takimi, nga objekti i qeverisë u largua kryetari i Aleancës për Ardhmërinë e Kosovës, Ramush Haradinaj, sepse “Kurti i mbajti ligjërata”.
Të pakënaqur dolën edhe kreu i Partisë Demokratike të Kosovës, Memli Krasniqi dhe Abdixhiku.
