Avdyli në emisionin “Këndi i Debatit” në Tëvë1, tha se është e vërtetë që në Kosovë nuk ka pasur këso raste të zgjedhjes, mirëpo sipas tij në Evropë ka këso zgjedhjesh.
“Kërkon një sqarim dhe informim më të detajizuar. E vërtetë që edhe ne edhe pse merremi me politikë ndoshta që 10 vite nuk kemi pasur rastin të dëgjojmë në Kosovë e Ballkan këto raste. Mirëpo në Evropë ka këso raste. Ka parti politike, konkretisht edhe Partia e Gjelbër në Gjermani. Edhe për neve ka qenë befasi”, ka deklaruar ai.
Ai thotë se iniciues i kësaj ideje për zgjedhjen e dy kryetarëve është Donika Gërvalla.
Sipas tij, Gërvalla e Peci nuk e pengojnë por e plotësojnë njëri-tjetrin.
“Ne kemi marrë vesh para disa kohe. Ideator i kësaj ideje është Donika Gërvalla dhe e ka propozuar këtë propozim. Ne të tjerët kemi menduar që Gërvallën ta zgjedhim kryetare por ajo ka shprehur vullnetin që këtë përgjegjësi ta ndajë me kolegun e saj me të vetmin qëllim që punët t’i ndajnë për shumë arsye sepse jemi parti në parti e re që jemi në ngritje. Një personalitet si Donika Gërvalla me një përvojë të gjatë politike dhe një ministër dinamik si Faton Peci të cilët e plotësojnë njëri-tjetrin, nuk e pengojnë”, tha më tej Avdyli. /teve1.info/
