Avdia tha se nëse kjo pjesë e krimit dhe korrupsionit vazhdon të jetë në institucione, në zyra të shtetit në institucione qeveritare, atëherë sipas tij kjo përbën një shkelje dhe është një rrezikshmëri për ngecje në integrime tjera.
“Çështjen më shqetësuese në këtë raport e shoh nivelin e lartë të korrupsionit dhe në raport specifikohet saktësisht se zyrtarët e lartë të shtetit shumë të korruptuar vazhdojnë të jenë në detyra të rëndësishme të shtetit. Kjo është pjesa më e rëndësishme dhe pjesa më kritike sepse liria e shprehjes dhe liritë e tjera janë shumë të rëndësishme por në qoftë se kjo pjesë e krimit dhe korrupsionit vazhdon të jetë në institucione, në zyra të shtetit në institucione qeveritare, atëherë kjo përbën një shkelje dhe është një rrezikshmëri për ngecje në integrime tjera.
I ftuar në emisionin “Këndi i Debatit”, sonte në Tëvë1 Avdia tha se kjo pjesë vazhdon të jetë njollë e zezë jo vetëm për Kosovën por për të gjitha shtete e rajonit.
“Kjo pjesë e raportit është përqendruar pothuajse 90 përqind në raport progresi të Bashkimit Evropian dhe kjo duket ajo pjesa që vazhdon të jetë njollë e zezë jo vetëm për Kosovën por për të gjitha shtete e rajonit. Kur jemi te kjo unë them që në raport thuhet që pastaj e gjithë kjo njollë e zezë e korrupsionit që vazhdon të jetë funksionale në institucionet qeveritare, është e pa ndëshkuar për faktin që ka mungesë të sistemit, nuk funksionin sistemi i drejtësisë”, tha ai në tëvë1.
