Sipas auditimit është konkluduar se KEK-u nuk kishte siguruar që fondet dhe burimet e saj janë përdorur në mënyrën më ekonomike, duke e marrë në konsideratë qëllimin si dhe lëndën e prokurimit.
Tutje, raporti thotë se Korporata nuk i kishte trajtuar operatorët ekonomikë në mënyrë të barabartë dhe jo-diskriminuese dhe të veprojë në mënyrë transparente.
“Korporata Energjetike e Kosovës kishte zhvilluar disa aktivitete të prokurimit në atë mënyrë që kishte reduktuar apo eliminuar konkurrencën në mes të operatorëve ekonomik ose kishte diskriminuar në dëm ose në të mirë të një ose më shumë operatorëve ekonomik. Kjo për shkak se Korporata Energjetike e Kosovës kishte lidhur numër të konsiderueshëm të kontratave të negociuara pa publikim të njoftimit për kontratë, duke i arsyetuar me situata të emergjencave ekstreme përderisa rrethanat që e kishin krijuar këto situata i atribuohen neglizhencës ose lëshimeve të saj”, thotë raporti.
Kurse, sa i përket aktiviteteve të prokurimit në raport thuhet se janë realizuar kryesisht me negocim të çmimit, kur përveç që nuk është siguruar transparencë, në disa raste është paguar më
shtrenjtë për mallrat dhe shërbimet e blera.
Raporti i plotë i ZKA-së: https://www.zka-rks.org/wp-content/uploads/2022/05/Raporti-auditimit-Prokurimi-ne-KEK-2018-2020-Shqip.pdf
