Policia e Kosovës ka njoftuar se viktima me lëndime të rënda është dërguar për tretman në Qendrën Klinike Universitare të Kosovës.
“Nga informatat e para është mësuar se pas një përleshje, tre persona L.Q ( M/K) i moshës 19 vjeçar , M.B ( M/K) i moshës 37 kishin pësuar lëndime të lehta trupore, ndërsa SH.B ( M/K) rreth 20 vjeçar kishte pësuar lëndime të rënda trupore nga një mjet i mprehtë (thikë), nga persona të cilët ishin larguar nga vendi i ngjarjes me një automjet Golf me targa vendore. I lënduari SH.B për tretman të mëtutjeshëm mjekësor është dërguar në Qendrën Klinike Universitare në Prshtinë”, thuhet ndër tjerash në njoftim.
Sipas njoftimit, Policia ka arrestuar shtatë të dyshuar të cilët janë ndaluar në mbajtje prej 24 dhe 48 orë.
“Pas një pune intenzive hetimore, grumbullimit të informacioneve në terren , policia e stacionit në Kaçanik ka arritur që të arrestojë 7 persona, të cilët i ka shoqëruar në stacionin e policisë. Pas intervistimit nga policët hetues, me vendim të prokurorit të rastit, i dyshuari A.P (M/K) i moshës 15 vjeçar është ndaluar në mbajtje për 24 orë, ndërsa L.B ( M/K) i moshës 20 vjeçar , A.L ( M/K) i moshës 22 vjeçar dhe A.B ( M/K) i moshës 42 vjeçar janë ndaluar në mbajtje për 48 orë. Në procedurë të rregullut hetimore janë liruar N.TH ( M/K) i moshës 16 vjeçar, D.T (M/K) i moshës 15 vjeçar dhe V.B ( M/K) i moshës 17 vjeçar”, thuhet në njoftim./teve1.info/
