Abdixhiku përmes një postimi në Facebook ka thënë se kjo operativë nuk po arrinë t’i përmbushë kërkesat që i vijnë nga jashtë për shkak se fermerët janë të pambrojtur .
Ai ka thënë se po të ndihmohej kjo kooperativë me teknologji dhe po të mbështeteshin fermerët në kultivim, do të rritej shitja jashtë shtetit dhe do të punësoheshin më shumë gra dhe fermerë në Kosovë.
“Kjo kooperativë nuk arrinë të përmbushë sot kërkesat që i vijnë nga jashtë. Jo sepse nuk do, por sepse nuk mundet. Fermerët janë të pambrojtur, grantet janë larg, burokracia e letrave është e rëndë – aq e rëndë sa që nga viti 2015 kanë zgjedhur fare të mos aplikojnë. Po të ndihmohej kjo kooperativë me teknologji, po të mbështeteteshin fermerët në kultivim, po të kishte stabilitet në furnizim energjetik – kjo koperativë, përveç se do t’i shtonte shitjet jashtë, do të rriste edhe punësimin për më shumë gra e shumë fermerë brenda në Kosovë”, ka shkruar i pari i LDK-së, përcjellë teve1.info.
Postimi i plotë i Abdixhikut:
Fahrije Hoti dhe gratë e ”Kooperativës Krusha” janë inspirim nacional. Përpjekja e tyre për ngritje pas luftës që u mori të gjitha, është tregim që duhet rrëfyer gjeneratave të ardhshme në vazhdimësi. Nëpërmjet filmit ‘Hive’ ky tregim po i rrëfehet dhe botës tani. Duhet qëndresë prej guri e kurajo prej më të rrallave për të kapërcyer dhimbjet e luftës e për të ndërtuar një kooperativë si kjo.
Por në Krushë të Madhe nuk ishim vetëm për këtë rrëfim. Aty qëndrova me bashkëpunëtorë për të kuptuar nga afër problemet e gjithë zinxhirit prodhues. Sot, mbi 50 gra të Kryshës së Madhe janë të punësuara në kooperativë. Mbi 100 fermerë nga rajoni janë pjesë e prodhimtarisë. Nga ajvari e specat me kos – janë dhe 28 produkte të tjera që prodhohen aty. Mbi 80% e produkteve eksportohen në Evropë – pjesa tjetër në Kosovë.
Kjo kooperativë nuk arrinë të përmbushë sot kërkesat që i vijnë nga jashtë. Jo sepse nuk do, por sepse nuk mundet. Fermerët janë të pambrojtur, grantet janë larg, burokracia e letrave është e rëndë – aq e rëndë sa që nga viti 2015 kanë zgjedhur fare të mos aplikojnë. Po të ndihmohej kjo kooperativë me teknologji, po të mbështeteteshin fermerët në kultivim, po të kishte stabilitet në furnizim energjetik – kjo koperativë, përveç se do t’i shtonte shitjet jashtë, do të rriste edhe punësimin për më shumë gra e shumë fermerë brenda në Kosovë.
