Policia e Kosovës, përmes një njoftimi ka bërë të ditur se i dyshuari kohë më parë ishte shpallur në kërkim policor, pasi që i njëjti dyshohet se në Mitrovicën e Jugut kishte vrarë një 49-vjeçar.
“Në orët e mesditës së sotme të datës 08 prill 2022, në Sektorin Rajonal të Hetimeve është vetdorëzuar i dyshuarit F. V., 29 vjeçar, shtetas të Republikës së Kosovës. I dyshuari kohë më parë, është shpallur në kërkim policor si i dyshuar për veprën penale ‘Vrasje e rëndë’, e ndodhur më datën 10 korrik 2021, në rrugën ‘Evlia Qelebia’ në Mitrovicën e Jugut, ku si pasojë e plagëve të marra nga arma zjarrit ka vdekur viktima D. S., i moshës 49 vjeçar, ndërsa i plagosur kishte mbetur edhe një person tjetër”, thuhet në njoftim.
Sipas PK-së, i dyshuari me aktvendim të prokurorit është ndaluar për 48 orë.
“Pas intervistimit me aktvendim të prokurorit të rastit, ndaj të dyshuarit është caktuar masa e ndalimit për 48 orë”, thuhet më tej në njoftim. /teve1.info/
