Një person është arrestuar nga Policia e Kosovës, nën dyshimin se është marrë me shitblerje të substancave narkotike në kryeqytet.
B.M., është ndaluar nga hetuesit policorë dhe gjatë kontrollit në trup i kanë gjetur tri qese të vogla që dyshohet se janë substancë narkotike e llojit kokainë me peshë 1.5 gramë, shkruan teve1.info.
Ndërsa, i dyshuari është kontrolluar në banesën e tij edhe nga njësia e Forenzikës Regjionale në Prishtinë, ku si prova materiale ka gjetur dhe konfiskuar 27 qese të vogla të dyshuar si substancë narkotike e llojit kokainë me peshë 13 gramë, qese të dyshuar si substancë narkotike e llojit kokainë me peshë 62.9 gramë, një peshore digjitale e cila ka shërbyer për matjen e narkotikeve në sasi të vogla, një qese e dyshuar si substancë narkotike e llojit kokainë me peshë 0.2 gramë, e gjetur në veturën e të dyshuarit, dy telefona celularë, si dhe para të gatshme me vlerë prej 1545 eurosh.
Në njoftimin e Policisë së Kosovës është bërë e ditur se aasia e substancave narkotike e konfiskuar është 77.6 gramë e që në vlerë parash konsiderohet të jetë 7,760.
Ndërkaq, 27-vjeçari pas intervistimit me urdhër të prokurorit kujdestar është dërguar në qendrën e mbajtjes për 48 orë. /teve1.info/
