Një ngjarje e rëndë raportohet nga Fieri. Një 26-vjeçare mbyti me tel babain e saj dhe më pas e inskenoi ngjarjen si aksidentale.
Ka qenë e reja që ka shkuar në polici për të deponuar mbi ngjarjen dhe faktin se ishte aksidentale. Por që në momentet e para efektivët kanë krijuar dyshim se humbja e jetës së A.R, 56 vjeç, nuk ishte thjesht aksidentale.
Për këtë arsye kanë vijuar hetimet e thelluara dhe u zbulua ngjarja tronditëse.
Sipas policisë, 26-vjeçarja E.R e ka vrarë babain për motive të dobëta duke e mbytur me tel në shtëpinë e tyre në fshatin Frashër. Më pas, dyshohet se në bashkëpunim me nënën 53-vjeçare, kanë tentuar të pengojnë zbulimin e së vërtetës duke pastruar trupin e 56-vjeçarit.
Pas këtyre veprimeve, ajo ka shkuar rreth mesnatës të njoftojë policinë.
“53-vjeçarja është aktualisht e shoqëruar në ambientet e Drejtorisë Vendore të Policisë Fier, ku po kryhen veprime të thelluara hetimore për të përcaktuar shkallën e përgjegjësisë së saj në lidhje me këtë rast. Në përfundim të veprimeve hetimore do të ketë njoftim shtesë për përgjegjësinë penale të kësaj shtetaseje”, njoftoi policia.
Hetimet për këtë rast të rëndë po vijojnë me qëllim dokumentimin me prova ligjore të të gjitha rrethanave të këtij rasti./TVKlan/
